A_TEMPO é un programa innovador a escala europea no que se propón a integración das observacións das familias, das educadoras/es e dos recursos comunitarios mediante a utilización de probas estandarizadas de cribado accesibles a participación de todas e todos.

É unha iniciativa da Secretaría Xeral da Igualdade da Vicepresidencia da Igualdade e do Benestar da Xunta de Galicia que se enmarca dentro do plan estratéxico de mellora da calidade das escolas infantís.

O programa desenvólvese dende 2006 ate 2009 en distintas fases, coa participación de 2000 familias, 200 educadoras/es, 25 escolas infantís, 139 unidades escolares e mais de 30 titoras/es e especialistas en atención temperá.