Medios

Para a realización deste proxecto, a Asociación Galega de Atención Temperá traballará coa Secretaría Xeral da Igualdade na organización dunha comisión técnica de dirección de carácter interdisciplinar e unha rede de titoras/es, formadas por profesionais con ampla experiencia no eido do desenvolvemento infantil e atención temperá.

Esta comisión técnica encargarase do deseño, elaboración, planificación, execución, coordinación e avaliación do proxecto de formación e da implantación do protocolo de detección precoz. A rede de titoras/es encargarase da preparación, presentación, seguemento, supervisión e apoio do programa de formación do persoal das escolas infantís.