Documento sin título

Bases

A primeira infancia é unha etapa complexa e crítica para o desenvolvemento da identidade persoal, social e cultural, a formación dos vínculos afectivos coa familia e cos iguais,a adquisición de valores, linguaxe e recursos cognitivos básicos, a posta en práctica de estratexias sociais e lúdicas, recoñecemento e organización das relacións co entorno, á familiarización coas realidades e ferramentas da cultura do tempo histórico,...

O cambio social modifica fondamente os escenarios e itinerarios nos que se desenvolve a primeira infancia. O multiplicarse os escenarios e axentes de socialización, poden debilitarse as referencias e aumentar os núcleos familiares que experimenten situacións de illamento, inexperiencia, inestabilidade ou estres prodúcense novos factores indutores de fraxilidade para o desenvolvemento infantil nas primeiras etapas da vida.

A tipoloxía das alteracións do desenvolvemento e dos núcleos evolutivos vulnerables cambea:

Risco de obxectalización dos nenos con alteracións biolóxicas ou “enfermidades raras” (cegueira, xordeira, parálise cerebral, síndrome de down, cromosomopatías, etc).
Desatención á problemática emocional dos “menores” 0-3 en situacións de abandono familiar ou institucionalizados.
Extensión de fenómenos “invisibles” de marxinación, malos tratos ou violencia.
Infantilización da pobreza e reaparición de problemas de nutrición, hixiene e control da saúde.
Incremento de novos e imprecisos trastornos do desenvolvemento (espectro autista, hiperactividade, retraso da linguaxe, cromosomopatías vinculadas a reprodución asistida...).

Incremento da prevaleza e gravidade da prematuridade ate constituír un grave problema social.
Incremento das situacións de illamento en tódalas capas sociais.
Desorientación na xerarquización dos aspectos máis relevantes do desenvolvemento ou nas pautas educativas adecuadas as funcións parentais.
Ratios excesivas, excesos horarios ou carencias formativas na atención alternativa nos primeiros tramos de idade 0-18 meses.

O proxecto a_tempo de detección precoz dos trastornos do desenvolvemento está deseñado para tratar de dar desposta as novas necesidades derivadas do cambio social, fortalecer o papel da escola infantil e a súa relación coas familias e cos novos axentes de socialización.