¿Quen somos?

AGAT é unha asociación interdisciplinaria constituida por profesionais galegos que traballan con nenos e nenas, con discapacidades, e coas súas familias, no territorio da nosa Comunidade Autónoma.

AGAT está integrada por profesionais galegos procedentes das distintas disciplinas implicadas na Atención Temperá tanto no campo sanitario como no psicosocial e educativo: psicólogos, pediatras, neuropediatras, fisioterapeutas, foniatras, rehabilitadores infantís, terapeutas ocupacionais, logopedas, pedagogos, profesores de educación especial, traballadores sociais, etc.

Interdisciplinariedade e cualificación profesional A Atención Temperá implica a participación de profesionais de distintas disciplinas (medicina, psicoloxía, educación, fisioterapia, logopedia). A preparación dos profesionais que participan na Atención Temperá esixe tanto a formación nunha disciplina específica coma no marco conceptual común a todas elas, a través do traballo en equipo.

Cooperación entre os pais e os profesionais e integración do neno na sociedade A Atención Temperá está baseada na participación e colaboración dos profesionais implicados e das familias co obxectivo de facilitar ó máximo a integración do neno na sociedade.

Gratuidade, universalidade e igualdade de oportunidades Os servicios de Atención Temperá deben ser gratuitos, co fin de que podan ter acceso a eles tódalas familias que os necesiten.

Coordinación entre as distintas administracións Públicas Cómpre que os distintos Ministerios e Institucións que teñan atribucións e responsabilidades relacionadas coa Atención Temperá procuren a sú coordinación, co obxectivo de facilitar ás familias os recursos económicos e humanos que precisan.

Descentralización e Sectorización Favorece-la creación e continuidade de Centros de Desenvolvemento Infantil e Atención Temperá (CDIAT) distribuidos dentro de cada municipio por zonas, situados na proximidade doutros servicios (escolas infantís, centros de saúde ou servicios sociais) de xeito que facilite o acceso inmediato das familias, a relación entre os diferentes axentes profesionais e o coñecemento do medio e da realidade cultural, económica e social da comunidade.

Recolle-las experiencias propias e alleas no campo da Atención Temperá, facilita-la reflexión e o debate profesional, divulga-las novidades tecnolóxicas e metodolóxicas e achegar ás familias tódolos nosos coñecementos e medios para ofrecerlles ós nenos con déficits, ou con risco de padecelos, un conxunto de accións optimizadoras e compensadoras, que faciliten a súa adecuada maduración en tódolos ámbitos, e que lles permita acada-lo máximo nivel de desenvolvemento persoal e de integración social.